|
La
sot
Vila
estreita
Vila vilaret
Sota los passes mieus se trucan las carrièras
Se rescontran las fenèstras
Aici en tu me perpensèri
M'escafalèri aici
Aici me perpensèri a pas res
Desertosas
carrièras de noms sens nom : Carrièras del Pressoir, del
Lavoir, de la Halle, de la Frégière, de la Recège,
de la Gourgue, La Sourde, del Maquis, del Canal, de la Fontaine, camin
dels Ayrals, de Croquet, estradas de l'Arbre Rond, de las Aubugues,. Plaças
de las Toiles, del Puits, del Figuier, del Rajol, de l'Abbaye ?
Lo truèlh ont esta el ? Qu'es aquò que la recège
? Aladonc, causas desconegudas, una arma qu'avètz vosautres ?
Frejas ribièras, estreitas sendarelas… Dequont venètz
?
Plaças
desertosas de noms de noms : plaça Doussot, Sim Copans, Pierre
Betz, Benettou, Roucou, Barnicou, placetas Chapou, Delmas, Vitrac, andanas
de Verninac, Feiral Marsalès.
Qual son elis
? Las plaças las coneissi elas sens qu'als òmes conescai.
A mi mai familharas son las carrièras de Sarlat, de Denny, de Louqsor
sens l'Obelisque, l'avenguda de Verdun.
Que m'adomergiguèt
el lo quite Obélisque ;
L'aucèl aquèl sens alas ablasigat per de las plumas de falsièra
que fotocopièron sens amor, inabitat caval de Troie, desconvenent
e de contunh desvestit, acotat qu'esta dins l'alquitran que s'i pausan
de passa los aucèls e mai pòbles passadisses .
Jos las
fuèlhas qu'aura pas frèsilhadas paguna man de mainatge,
lo ventre de fusta l'alispèrem tiblat qu'estava devers lo solelh.
Long del Camin
de Croquet redolèron, sota los passes nòstres, los calhalets,
mentre que ja darrier nosautres s'alucava ela la vila. Assietats qu'estèrem,
dins l'èrba nòva, assistiguèrem a la descobèrta
darrièra, del Jacme las plasticas tròbas, sota la bascha.
L'estrada de
l'Arbre Rond la davalèrem e mai lo Maquis lo prenguèrem
pr'amor de las amas depausar un darrier còp dins lo Talhièr,
sens cap de nom la Galaria.
D'enluòc
estau
Dins la vila vilaret soi aital coma un Capairon Roge
Que traça lo sieu caminòl a tustassals de mèmoria
de frima
Passat d'Argèria tornat composar sota del Pairegrand lo Chabròt
e mai la Mica.
Bretonas remembrenças bategant jols parlars perduts dels fraires
Membrança parisenca subre los tornavents tampats dels ostals del
Causse
Nanetas las carrièras aici de la mia pagèla son
Soncas las carrièras
Te m'empèguet de las bòtas de sèt lègas la
vila vilaret
D'en per aici estau e mai d'endacòm mai
Aici quora òm es d'endacòm mai d'enluòc òm
es
Estant qu'òm n'es ges d'en per aici
Endacòm
mai, d'en per aici estau.
|
