Escartierats
los dits al clavier dels gengivièrs
Cavalièrs adolentits e mai tindats de trèmas
Viran en lai las sangsugas dels perqué messorguièrs
Enginjères
lo quite Criste en sabotas dimenjalas
Desentraupat de las siàs miràudias
E que venia pr'amor de la man tieuna masentir
Viatge
immobile
Trai
la reserva
E mai remira eissiringar lo rajal
Candinèl
Del lacolet tot amudit
A la broa barrutla e de genolhons se bota
Vei dins lo caravenc prigond de fregatas
De canavèras daurejadas e de bambos
Totsants
tant e mai brimassat
Als pès
banhadisses del Redemptor
S'enaura dels dòlcimbèls nòstres la redolència
del palmon de las crisantemas
A
la releva de miègjorn
Subre l'arena dels braustuadors nòstres
Barrutlan que te barrutlaran los baiardiers
Jol solehl
Capàsses acorbaissats
Que raletan al subreplan de las pelucas
Cap a la volada darrièra
La Crotz d'espital
Ques
un òme en çò que de sang pesa el
La temporada d'eissugar al passadis dels trins