Jacques Rouby e Lauranne, artistas : "Barbòtas" . Images e tèxtes. Solhac.

Tangò. Tangò.
De badas saluda la dròlla del diadèma.
Degun l'agaita pas ela levat l'ombra sieuna.
Virona l'uèlh al fons del traucàs serpatièr.
Bèl brieu i a que las insanas cabaladuras te l'acabèron lor manètge.

Tangò. Tangò.
Aital coma un animal taravelat de metal, espingolat sus de secador.
Vira te que viraràs, dins l'arena.
Treslusissètz, vestits de lutz !
De las colors l'orba trapèla subre la feràmia se tornet tancar.